Quen é quen?

Ao longo de marzo, a partir das 12 series e do xogo de memory, xogamos a repartir as tarxetas entre os nenos , e unha vez dispersos no espazo, atopar a o compañeiro que tivese a mesma.

Despois, co listado de palabras que os nenos de 5 anos escolleron fixemos un xogo de adiviñas cos de 3 e 4 anos, para ver si lendo esas 3 palabras eran capaces de saber a que serie nos referíamos.

 
Tras a lectura a parella que tivese esa personaxe debía levantar as súas tarxetas e logo sair fora ao patio buscar a imaxe a todo color.

Finalmente nas mesas debuxaron cooperativamente as personaxes que lles tocaran.

Xogo da Tv: que botan hoxe?

Facemos tamén unhas ruletas . A ruleta dos canais con un total de 9 canais. A ruleta das series, con algunhas das más significativas en función dos resultados da enquisa de consumo feita nas aulas.

 

Elaboramos dous sobres: un coas iconas dos canais e outro cos números do 1 ao 9, para colocar na nosa tele en función do resultado da ruleta.

 Os nenos xogan en pequenos grupos de 6 alumnos, repartindo as funcións.






















Un xira a ruleta do canal, outro encende a tele co mando apretando o botón do canal escollido, outro coloca na pantalla a icona, outro coloca o número dese canal, outro xira a ruleta dos debuxos e outro busca na caixa das imaxes, a que corresponde coa serie.

Encendemos a tele

Para seguir falando dos nosos hábitos construimos unha TV e uns mandos con material de refugallo. Falamos de se memorizan o número do seu canal favorito e moitos xa saben dicir cal é e o poñen sós nos mandos da súa casa.

Analizando as personaxes

Para traballar manipulativamente as series seleccionadas ademais das tarxetas plastificadas que xa tiñamos, fixemos un xogo de memory que nos permitiu  analizar en detalle o que representan, onde viven, con quen, que fan, que comen, que visten, se teñen problemas e en tal caso como os resolven, etc.

Pedimos escoller 3 palabras para cada serie e anotamos esas palabras para continuar noutra sesión e gardar ese material.