CAMBIAMOS A MIRADA
Experiencias e actividades realizadas co alumnado de educacion infantil do Ceip San Marcos ao abeiro do Plan PROXECTA Galicons 17/18, centrado en publicidade consumo e xénero.
mércores, 27 de xuño de 2018
Non todo é o que parece! Sabías que ?
venres, 20 de abril de 2018
En busca das pistas
Para estimular a investigación máis a fondo das series retamos
ao alumnado a un xogo de pistas ideado para 2 días, para atopar primeiro, o código para descrifrar as dúas series
que lles tocaría investigar e en segundo lugar as fotos desas series.
Usando o plano do cole cada grupo tiña que atopar o papel da cor correspondente e unha vez atopado tentar descifrar as letras perdidas para compoñer os títulos das series.
Unha vez escritos os títulos, deixar o sobre no buzón e agardar...para no seguinte día buscar as fotos noutro lugar diferente do cole.
Pasaron moi bo rato con este xogo, desde o momento en que recibiron as cartas-sobres nas aulas ata o final do xogo. Interpretaron moi ben o plano e axiña atoparon o que tiñan que atopar.
martes, 10 de abril de 2018
Que aprendo cos debuxos?
Na liña de seguir indagando o que aprendemos coas personaxes protagonistas continuamos co traballo das series escollidas utilizando os datos da táboa da enquisa de consumo e as ilustracións e palabras que reflicten a visión dos nenos destas 12 series que ven na TV. Así confeccionamos este mural do número de espectadores que cada serie ten.
Ademais aproveitamos o material do noso xogo de TV para colocar na parede xunto ao mural e ambientar o noso corredor exposto a que todos os que pasen por alí lean a información.
venres, 6 de abril de 2018
Revista Escolar Andaina
Facemos unha páxina para a Revista Escolar Andaina do noso centro que se publicará en maio resumindo parte do traballado ata agora no abeiro do PLAN Galicons . Dado o tamaño reducido da páxina tentamos sintetizar ó máximo e seleccionar algunha das moitas fotos que tiñamos das actividades.
xoves, 5 de abril de 2018
Obradoiro Escola Galega De Consumo
Aprendemos a identificar elementos da linguaxe publicitaria, a recoñecer símbolos que nos axudan a entender o que imos consumir, e a comparar o
que nos ofrecen nos anuncios co que obtemos unha vez mercados os
produtos descubrindo que moitas veces nos enganan.
xoves, 22 de marzo de 2018
Quen é quen?
Ao longo de marzo, a partir das 12 series e do xogo de memory, xogamos a repartir as tarxetas entre os nenos , e unha vez dispersos no espazo, atopar a o compañeiro que tivese a mesma.
Despois, co listado de palabras que os nenos de 5 anos escolleron fixemos un xogo de adiviñas cos de 3 e 4 anos, para ver si lendo esas 3 palabras eran capaces de saber a que serie nos referíamos.
Tras a lectura a parella que tivese esa personaxe debía levantar as súas tarxetas e logo sair fora ao patio buscar a imaxe a todo color.
Finalmente nas mesas debuxaron cooperativamente as personaxes que lles tocaran.
Tras a lectura a parella que tivese esa personaxe debía levantar as súas tarxetas e logo sair fora ao patio buscar a imaxe a todo color.
Finalmente nas mesas debuxaron cooperativamente as personaxes que lles tocaran.
martes, 13 de marzo de 2018
Xogo da Tv: que botan hoxe?
Facemos tamén unhas ruletas . A ruleta dos canais con un total de 9 canais. A ruleta das series, con algunhas das más significativas en función dos resultados da enquisa de consumo feita nas aulas.
Elaboramos dous sobres: un coas iconas dos canais e outro cos números do
1 ao 9, para colocar na nosa tele en función do resultado da ruleta.
Os nenos xogan en pequenos grupos de 6 alumnos, repartindo as funcións.
Un xira a ruleta do canal, outro encende a tele co mando apretando o botón do canal escollido, outro coloca na pantalla a icona, outro coloca o número dese canal, outro xira a ruleta dos debuxos e outro busca na caixa das imaxes, a que corresponde coa serie.
Subscribirse a:
Publicacións (Atom)